هب الهوا شرقي وذكرني الشرق= واشتقت له بالحيل ياساكنينه
من شان من بينه وبين البشر فرق= حسبي على اللي حال بيني وبينه
ابوخدود ٍ كنها ضوحة البرق= واوسع من عيون الشياهين عينه
اللي سرق عني لذيذ الكرى سرق= واقفيت عنه ومنه روحي حزينه
من عقب عنه اقفيت ضاقتبي الطرق = وضاق الفضا وضاقت عليّ المدينه
حدوه عني واسبل دموعه الزرق= يبكي بكا طفل ٍ فقد والدينه
وانا من الفرقا غدى بمهجتي حرق= وازريت لا اداوي الجروح الدفينه
غوفلت من وقتي واثره ادّرق درق= واستبدل ايام الفرح بالغبينه
عقب الهنا مجروح وانايح الورق = قلبي من الايام بيّح كنينه
وكمومي امن الدمع لاحقهن الغرق= غرقتهنه بالدموع الثمينه
حسبي على من حط من بيننا فرق= اللي سعى بين الخدين وخدينه
غديت قبله مير قلبي بقى شرق= ترفقوبه زين يامالكينه